Markmið foreldrafélagsins er m.a. að stuðla að aukinni samvinnu foreldra innbyrðis. Einnig að leggja hagsmunum barna lið, bæði innan leikskólans og utan.

Hér kæmi lýsing á starfsemi foreldrafélagsins, stjórn þess og samstarfi félagsins við starfsmenn leikskólans. Athuga að fundargerðir frá foreldrafélagi eru settar undir liðinn Foreldrafélag/Fréttir.

Fréttir frá foreldrafélaginu

Fundur foreldrafélags Hlíðar 22. október 2014

Fundur foreldrafélags Hlíðar 22. október 2014 kl. 17 í húsnæði Hlíðar við Engihlíð.

Mættir: Dóra Marteinsdóttir, Hrönn Harðardóttir, Margrét Vala Gylfadóttir, Stefán Pálsson, Ulrike Diana Malsch. Freydís Guðný Hjálmarsdóttir boðaði forföll. Gestur var Elísabet Auðunsdóttir leikskólastjóri.

1. Ulrike Diana Malsch bættist í stjórn félagsins.
2. Farið var yfir þær kennitölur og bankareikninga sem tilheyra félaginu. Félagið á tvær kennitölur og tvo bankareikninga. Sá reikningur sem hefur verið notaður undanfarið er á kennitölu Foreldrafélags leikskólans Hlíðaborgar (kt. 581007-3450) í Íslandsbanka. Þá er til reikningur á nafni Foreldrafélags Sólhlíðar (kt. 600298-3219) í Arion banka.
3. Ákveðið að Margrét Vala Gylfadóttir tæki að sér störf gjaldkera og færi með prókúru þessara reikninga. Jafnframt var ákveðið að loka reikningi Sólhlíðar í Arion banka og í framhaldinu að afskrá kennitölu félagsins. Þá var ákveðið að breyta nafni Hlíðarborgar félagsins í Foreldrafélag Hlíðar í fyrirtækjaskrá.
4. Félagsgjöld verða rukkuð sem fyrst og verða þau óbreytt kr. 3600 krónur fyrir árið og eru þau innheimt í einu lagi. Veittur er systkinaafsláttur þannig að greitt er fullt gjald fyrir fyrsta barn en hálft gjald fyrir önnur börn. Félagsgjöld voru síðast rukkuð í nóvember 2013.
5. Ákveðið var að halda jólaball félagsins í Breiðfirðingabúð, Faxafeni, laugardaginn 6. desember milli kl. 13 og 15. Boðað verður til opins undirbúningsfundar miðvikudaginn 12. nóvember kl. 17 og verður hann opinn öllum áhugasömum foreldrum.
6. Elísabet kynnti jólasýninguna „Strákurinn sem týndi jólunum" og samþykkt var að foreldrafélagið greiði fyrir sýninguna sem verður á leikskólatíma.
7. Rætt var um fleiri viðburði sem foreldrafélagið hefur komið að t.d. útskriftarferð elstu barna í Keiluhöllina, hugsanlega sumarhátið og sleðaferð á Klambratúni.
8. Dóra Marteinsdóttir tók að sér að vera tengiliður félagsins við samtökin Heimili og skóli.
Fundi var slitið kl. 18.
Margrét Vala Gylfadóttir ritaði fundargerð

Lesa >>

---

FORELDRAFÉLAG 2014-2015

Kosið var í stjórn foreldrafélags leikskólans á foreldrafundi 7.okt. 2014.

Stjórnina skipa:   

Dóra Marteinsdóttir( móðir Marteins á Öskju )

Freydís Guðný Hjálmarsdóttir (móðir Móeiðar á Keili)

Hrönn Harðardóttir (móðir Isaks á Grábrók)

Margrét Vala Gylfadóttir (móðir Róberts á Öskju)

Stefán Pálsson (faðir Böðvars á Kröflu)

Ulrike Diana Malsch (móðir Hönnu Lilju á Grábrók.

Lesa >>

---

Stofnfundur foreldrafélags

 Stofnfundur Foreldrafélags Hlíðar, mán. 18. febrúar 2013.

Fundargerð:

i) Fundur settur kl. 20:00 og starfsmenn fundarins kjörnir.

ii) Nafn félagsins samþykkt: Foreldrafélag Hlíðar

iii) Tillaga að lögum félagsins kynnt. Lögin samþykkt með smávægilegum breytingum.

iv) Reikningar félagsins kynntir og samþykktir. (Reikningar foreldrafélaga Sólhlíðar og Hlíðarborgar voru sameinaðir fyrr í vetur.)

v) Rætt um verkefni félagsins næsta árið:

* Vilji kom fram til að halda sumarhátíð, t.d. á Klambratúni

* Reynslan af sumarferð síðasta árs rædd, en rútukostnaður var óheyrilegur og þátttakendur fleiri en sveitabærinn gat með góðu móti borið. Velt upp þeirri hugmynd að næst verði hópnum tvískipt og reynt að skipuleggja frekar akstur á einkabílum.

* Rætt var um hvort foreldrar teldu brýnt að halda jólaball, þar sem barnafjöldi og vandræði við að komast í hentugt húsnæði stæðu í veginum. Töldu ýmsir að óþarft væri að bæta inn í þéttskipaða helgardagskrá fólks á aðventunni, en þess í stað mætti nýta fjármunina til að brjóta upp skólastarfið með aðkeyptum leiksýningum líkt og síðast var gert.

vi) Óbreytt félagsgjald var ákveðið: 300 kr. á mán.per barn.

Lesa >>